Marco estratéxico e plan de acción
O deseño do marco estratéxico da Axenda Urbana e Rural do Porriño comeza cun diagnóstico estratéxico do contexto local, analizando aspectos sociais, económicos, ambientais e de mobilidade segundo a metodoloxía da Axenda Urbana Española. Identifícanse retos e defínense cinco obxectivos estratéxicos estruturados en cinco eixos, con 19 liñas de actuación e 47 medidas concretas.
O Plan de Acción Local detalla as medidas que se implementarán para alcanzar os obxectivos previamente definidos no marco estratéxico, especificando a súa implementación, prazo e orzamento, en consonancia cos obxectivos da Axenda Urbana Española e con indicadores de seguimento. Elaborado de forma participativa con axentes locais, este plan, guía a implementación de políticas urbanas sostibles, mellorando a calidade de vida e consolidando O Porriño como un municipio sostible e cohesionado cara a 2030.